太陽雄心形勢佳

猪拉多纳

　　第二場四班田草1000米，來到這個時候，許多四班直路賽都會充斥不少質新馬，這場亦不例外。「麟轉乾坤」來港已有一段頗長時間，但上季缺課情況令人擔心，無疑今季操練工序已回復正常，但大閘試得四正只因與太多稚嫩之馬一齊試，再者，此駒埋門兩周冇再快跳，操練唔尋常；「君子協定」在港試了三次閘，連同外地贏的左轉800米閘，共試了四課閘，潘頓一早做工夫，一手教馬，論進度及前景都不俗；「有權有勢」台型亦吸引，五試大閘都有不俗走勢，但始終覺得大嚿馬仍重身，要靠質素；「危險威龍」轉馬房始初出，最後試跑竟考眼罩，戰意難料；「金像神話」未夠；「正藍旗」型格好好，跑過一場加眼罩，只能期望跑得較上次好；「好金剛」考泥閘慢閘，操練程序又有問題；「華麗登場」唔忿氣再跑直路賽，沈集成想證明自己安排無錯，今次排檔外移係有幫助，但要負133磅，始終有戒心。所以我最後揀了「太陽雄心」這匹經驗最豐富的舊馬，今季健康執留正晒，用呂卓賢負111磅夠晒輕，排13檔可賺場地形勢，一定博得過。廖浩賢