蘇偉賢「如燕」衝上第4

猪拉多纳

首季開倉即交出驕人成績的蘇偉賢，昨日又告起孖，頭馬數字增至17場，已趕過文家良與告東尼，僅以亞軍數目落後於呂健威，進佔練馬師榜第四位。賢廐同日另有220倍巨型冷門「天長地久」跑入殿軍，間接令第七場的四連環派彩高達兩萬兩千餘元。
       
真如燕（箭嘴示）外檔逢馬過馬，輕鬆打開在港勝門。

「真如燕」在港跑至第十三仗，終在蘇偉賢手上打開勝門，練者謂：「『真如燕』跑過上仗後曾經食欲不振，所以稍事休息才恢復操練，猶幸進度並未有受到太大影響。此駒試閘可以守前，但到真正出賽步速較快，加上是役排外檔起步，所以索性吩咐柏寶留前鬥後，如今證明戰略正確。我認為『真如燕』有一定長力，有機會的話或會扳上泥地1650米一試。」
       
蘇偉賢
千杯豪情第3W

「千杯豪情」過往兩勝均由潘頓操刀，不過今戰卻因騎練在出賽日期安排上出現誤會，因而改由安國倫執韁，結果仍可取得第三W，蘇偉賢表示：「此駒季內進度極佳，剛戰出閘有意外落敗，確實有點不值。其實今場馬兒出閘亦窒一窒，不過安國倫夠耐性做好留放，待直路始搵位衝刺，贏來相當精彩。」