新妙星霍利時貼身跟足

猪拉多纳

霍利時馬房列陣第七場戰駒「新妙星」，今季兩場頭馬都係由韋達一手包辦，人馬合拍程度已毋庸置疑，既然今晚原裝配搭繼續留在三班出爭贏馬路程，亦抽得一檔好位，焉有不重視之理？昨朝晨課期間，練者也顯露出緊張動靜，約七時一刻，此駒由助手騎往內圈踱步熱身，南非霍照習慣走到停車場斜路遠眺督操，睇晒全程便轉身行返馬房門口接馬，兼駕駛高爾夫球車尾隨入倉，全個過程貼身跟到足，明顯擺出一副搏殺格。