祖記二線兵意盃做細界

猪拉多纳

今晚以盃賽賽事為主打，阿King睇中意大利盃16強祖雲達斯主場對乙組球隊艾維連奴。祖雲達斯上周雖於歐聯分組賽出局，但球隊回師聯賽即大捷吐烏氣，士氣似乎未有受影響。不過，「斑馬軍團」主帥干地賽前事先張揚今仗會收起部分主力，加上艾維連奴近三仗聯賽只失一球，防守似乎有啲料到，阿King認為今仗入波唔會多，捧細盤。

（now 633周四凌晨4時直播）

祖雲達斯上周歐聯作客不敵加拉塔沙雷出局，但球隊於意甲實屬大超班，主場面對升班球隊薩斯索羅即大炒對手，祖記上下似乎未受緣盡歐聯所影響。不過，「斑馬兵團」主帥干地賽前表示，今仗會讓保方、巴沙利及基亞連利等主力休息，前線更會以久疏戰陣嘅加利亞雷拉及剛傷愈嘅基奧雲高掛帥，球隊未必能重演大勝薩斯索羅一幕。
伊維恩主場搵到食

艾維連奴暫於意乙排第五表現不過不失，球隊近三仗聯賽只失一球，防線表現不俗。艾維連奴今仗作客祖雲達斯一定先做好防務工作，以部分二線球員出戰嘅祖雲達斯就算有主場之利亦未必可以大勝對手，今仗入球大細中位數調至3.5球，阿King捧入球細。

其餘賽事方面，法聯盃16強伊維恩早前曾於主場擊敗班霸巴黎聖日耳門，證明球隊主場出戰有一定威力，面對今季作客仍未開齋嘅巴斯蒂亞，有力贏波晉級。荷甲甘保爾今季主場曾擊敗烏德勒支，後者剛於聯賽大敗一比五對士氣一定有影響，匆匆再戰荷蘭盃16強未必能及時反彈，捧主隊贏波。