皇馬打真軍 薩氣騰騰

猪拉多纳

好事連連嘅基斯坦奴朗拿度，將帶領皇馬喺西班牙盃第四圈次回合，主場對奧林比薩維亞。首回合喺呢位葡萄牙巨星缺陣之下，皇馬只能作客同對手踢成○比○，依家C朗強勢回歸，為咗證明準國際足協金球獎得主嘅實力，必定加多兩錢肉緊入多兩粒扮演救世主，讓三球嘅讓球主勝有1.68倍必買，「主其他」只得3倍，轉個玩法要半場「4比0」同「5比0」賠率仲值博。

（now 632周四凌晨4時30分直播）

C朗個人博物館開幕之後，佢好快已經返咗皇馬報到，仲同一班主將喺教練安察洛堤安排下，唔係返訓練場練波，反而去到巴拿貝加操，認真程度可見一斑。梗係啦，首回合肥安用二線兵，只能同丙組仔奧林比薩維亞互交白卷，乜面都冇晒啦！今次返巴拿貝主場出擊，配合C朗強勢回歸，唔炒番場點同球迷交代呀？
半場波膽「4比0」、「5比0」好分

不過，以菠菜角度，呢場「主其他」只得3倍其實幾唔抵買，相反個讓球主勝讓三球都有1.68倍，計落更OK。或者提供另一個玩法畀大家，如果大家真係認為皇馬會大炒，不如博佢哋半場已經入得多，半場「4比0」有11.5倍、「5比0」有27倍都係唔錯嘅選擇。