保亞斯真正死因

猪拉多纳

熱刺喺輸畀利物浦0比5後出大信封炒保亞斯，正式同呢名靚仔少帥講再見，亦令保亞斯繼被車仔解僱後再次敗走倫敦，但佢今次被炒其實都引起好大爭議。

先講戰績，保亞斯領軍後，熱刺得勝率係53%，係近年咁多位領隊中最高，而且近期戰績絕唔失禮，大敗於利物浦前喺歐霸盃連場大勝。只係對曼城輸0比6及利物浦0比5比較令球迷同管理層難受，但我相信保亞斯真正被炒原因唔係因為呢兩場大敗，真正致命傷係16場英超只係入得15球。雖則話有蘇爾達杜、基斯甸艾歷臣同荷西保連奴等好多新兵，但球季已經過半仍未磨合好，所以你話保亞斯唔抵炒似乎又講唔過去。今集《球分》再同大家傾吓呢位慘情領隊啦！

（now101周五晚10時30分直播）
兩大高危教頭對決

今個周六都有兩位等炒大熱嘅領隊對決，曼聯嘅莫耶斯對韋斯咸嘅大Sam，呢場波嘅勝負可能決定下個被炒嘅教練係邊位，大家冇理由錯過啦！

（now621周六晚11時直播）