金秋減夠分惹飛

猪拉多纳

　　今日星期六跑馬，唔使講，賠率當然係亂過七國，噚日睇飛，除第八場「輕彈錢笑」個獨贏賠率夠膽落到得1.8倍之外，其他場合都冇馬係一面倒大熱門，睇都係博冷時候啦。

　　呢期賽事，兩匹馬隔晚擺明有人支持，佢分別係第九場「貳寶」同埋第十場「金秋」（見表），兩匹馬畀人睇好，可以話各有原因。先講「貳寶」，呢匹馬香港咁耐，最叻係上鋪田草1200米跑第五，但當時賠率仲有78倍，今次隔晚得4.2倍，單係跑近應該唔會落咁多飛，相信主因係落班兼初配韋達，既然有人隔晚買定先，要吼。而另一匹重飛馬係尾場「金秋」，上次仲係36倍大冷門，今次減番去上季跑第二88分，有飛要支持。騎師王方面，韋達由6.5倍落至5.5倍，賠率跌有機。(周仲)