迪斯高當弗曼城大起富咸

猪拉多纳

曼城周中英聯盃作客三比一擊敗李斯特城，藍月亮球迷最開心唔係球隊能夠進身四強，而係見到迪斯高梅開二度帶領球隊贏波。迪斯高雖然已經被尼格度搶走咗正選位置，不過每次落場都交到功課，由於阿古路受傷，迪斯高勢必成為曼城嚟緊聖誕、新年快車爭勝嘅重要棋子。曼城喺快車檔期唯一硬仗係喺下輪主場硬撼利物浦，由於阿仙奴、車路士將要下周二凌晨正面對撼，如果曼城生生性性，隨時可以喺呢段快車檔期搶登榜首，今晚作客富咸當然要力爭響頭炮。

富咸由梅倫史甸接掌帥印後，三場聯賽一勝兩負，表現不過不失，可喜係球隊連續三場都有士哥，其中貝碧托夫兩入十二碼，有望重拾其射門信心。曼城今季八場作客聯賽只有一場保持清白之身，係佢哋上半季作客成績不濟嘅主要原因，今場宜棄曼城客Ｗ改捧大盤。

now622直播