流浪者+1強搶勝利

猪拉多纳

遇私房菜反客為主

寫稿時正正完成咗電台頒獎禮，但打字雙手已經雪到硬晒！講番頒獎禮，有獎頒、有歌聽自然開心，不過愛靚唔愛命，衣着單薄嘅我當然感到寒風刺骨，希望身邊一杯熱檸蜜可以保障我遠離傷風啦！

不過大家都知澳洲正值夏天，寒風就冇但就繼續有澳職賽事，而妹頭心水之選就係1.46倍嘅西悉尼流浪者讓球客勝。

西悉尼流浪者成立短短一年多啲，4次面對勝利保持3勝，甚有「格食格」味道，所以點都有啲心理優勢，勝利陣中王牌中場尼高斯又畀日職大阪櫻花睇中，難免影響軍心。今日下午呢個澳職戲碼都幾吸引，雖然雙方上仗都贏得漂亮，但我覺得流浪者人腳比較好，表現都較平穩，所以睇高客隊半線。

賽前墨爾本勝利就話要借主場之利，狂攻西悉尼流浪者，但妹頭覺得咁樣正中佢哋下懷，流浪者最優勝之處就係機動性踢法，尤其是轉守為攻突擊甚有威脅！
搶分力追榜首獅吼

加上西悉尼流浪者呢班波早前不敵獅吼後已經重返正軌，兩連勝擊敗噴射機同水手後，已經追貼榜首獅吼，但為求唔好畀獅吼放甩，西流絕對無失分空間，今仗有望反客為主有分落袋。

（有線64及203台周六下午4時45分直播）
妹頭推介

墨爾本勝利 Vs 西悉尼流浪者

西悉尼流浪者 讓球客勝