水手主場硬淨重拾「光輝」

猪拉多纳

2013年澳職最後一戰今日上演，由中岸水手同珀斯光輝兩支中下游球隊對壘，前者雖受傷兵同主力離隊問題困擾，但憑住堅韌嘅防守力，搭埋地利點都可以秤先，1.52倍主W值撐。

（有線64及203周二下午3:00直播）
珀斯今季作客不勝

水手今季無論係領導層或球員人腳都出現大執位，直接令成績不穩，球隊日前又宣布進攻中場麥堅治會被外借到日本嘅仙台維加泰，但根據借用協議，呢位新西蘭國腳會踢埋今場先走，相信麥堅治都希望盡力博表現令球迷留下美好回憶！儘管前鋒卡華斯歷重傷提早收咧，好在佢哋即時收回被借往中超嘅箭頭艾賓尼伊斯爾，火力得到補充影響唔算太大，最緊要係水手防守力硬淨，近5次主場出戰有4場係零失球，對住同樣表現跌Watt嘅光輝未驚過。

另邊廂嘅光輝作客成績真係幾差，今季5次作客竟然2和3負未贏過，對上4場仲要加埋只係入過1球咁大把，自從班波炒咗教練艾華斯後士氣未好過，就連日本前鋒永井龍都傷埋。光輝依家問題多多，作客想搶分難過登天。
頂占筍盤：中岸水手（主勝）