成績遠遜上季 鄭俊偉夠鐘「出擊」

猪拉多纳

　　上季鄭俊偉成績驕人，取得40場頭馬，刷新從練以來紀錄，但好景不常，今季跑到依家為止，僅排在練馬師榜下游，4個月只贏6W，查過佢上季，淨係五月份已經贏夠此數，今季的確大倒退。同一時間，佢仲要面對1個大問題，唔經唔覺已經個幾月冇馬贏。

　　之前都寫過葉楚航，又係另一守齋好耐華人馬房，佢剛剛以「軒轅勇將」一吐烏氣，唔知呢期會唔會輪到米高鄭，新一年希望佢好運到，慢慢打番上，季中開始發力追趕。

　　今期米高鄭幾匹上陣馬，隔晚賠率一係熱，一係好冷，熱，點都信得過，冇理由走去博幾十倍「好勝煌」、「得男」等駒，隔晚有飛者始終安心，正所謂信心飛。

　　太陽辰立心再搏

　　第一場「太陽辰」，呢匹處女馬擒日捧至3倍左右，上次先至被捧成大熱門，輸完人仲係未識驚，睇飛立心搏多場。

　　第六場「信心出擊」，賠率同前駒所差無幾，上次已有心出擊，路短搏失冇法子，今場正頭正路回到以前贏過1400米，梗係想執番場。（Jack）