紅軍打虎大報復

猪拉多纳

谷埋肚火要出氣

英超聖誕新年快車來到最後一輪，利物浦回師主場迎戰侯城。紅軍首循環作客竟以1比3不敵「老虎」侯城，今仗返主場出戰，加上早前作客曼城及車路士皆遭球證誤判致最終輸波，谷埋一肚火今仗一定會搵對手祭旗。侯城近期表現亦不錯，面對曼聯及富咸兩仗竟取得八個入球，球隊心雄隨時會主動搶攻爭勝，阿謙睇好兩隊會上演入球騷，一於捧大盤。

（now 623周三晚11時直播）
謝拉特或傷愈復出

利物浦攻力強勁可以話係人所共知，球隊除烏拉圭射手蘇亞雷斯當弗外，史達寧及菲臘比古天奴近期亦頻頻取得士哥，今仗或會有隊長謝拉特傷愈復出，球隊中前場實力更完整，要取得入球絕非難事。利物浦與侯城於一個月前曾碰頭，當時紅軍作客被一致看好下竟以1比3不敵對手，今仗回師主場出擊相信一眾主力皆希望能贏波復仇。

另外，利物浦早前對曼城及車路士皆因球證誤判導致最終輸波，球員谷埋一肚火，自然希望大勝一仗吐烏氣。
侯城炒富咸火力勁

「老虎」於聖誕快車期表現其實不錯，球隊攻力更令人刮目相看，早前對曼聯時一度領先2比0，到最後才晚節不保落敗，之後對富咸竟能大勝對手六球，可見火力甚猛。侯城球員現時士氣如虹，加上有早前擊敗紅軍的經驗，今仗作客晏菲路相信都會大踢進攻足球爭取勝利，預期今仗入球唔會少，一於捧大盤。