英超6寶半 100萬多寶全攻略

猪拉多纳

為慶祝2014年到臨，馬會足智彩於今日「6寶半全場」特別增設100萬元多寶彩池，6關賽事全為英超聯賽。為咗幫各位讀者諗諗計命中巨獎，《太陽波經》今日就為6關賽事作詳細分析，我哋仲會教埋大家點樣用最低成本去博取100萬，記得截止投X時間為晚上11:00，想發新年財一定要(目及)實！
★6關賽事分析★

第1關：馬會編號（三）4 阿仙奴（1）Vs卡迪夫城（16）

阿主場半全場數據

（9場：贏贏6•和和2•和輸1）

卡作客半全場數據

（9場：和贏1•和和2•和輸2•輸和1•輸輸3）

阿仙奴今季9場主場贏6場，全部開「贏贏」。卡迪夫城9場作客輸5場，當中3場由頭輸到尾開「輸輸」，首選「主主」好正路。不過考慮到今輪係聖誕快車尾輪，阿仙奴或見疲態，可能要到下半場先攻陷「卡城」，雖則阿仙奴「和主」係盲門，但凡事都有第1次，次選諗「和主」。

熱選：主主

次選：和主
第2關：馬會編號（三）7 利物浦（5）Vs侯城（10）

利主場半全場數據

（9場：贏贏8•和輸1）

侯作客半全場數據

（9場：贏和2•和輸3•輸贏1•輸輸3）

利物浦今季9場主場聯賽贏8場，僅次9戰全勝嘅曼城排全英超第2，當中全部勝仗都係由頭贏到尾，開出「贏贏」。侯城今季9場作客輸6場，輸波率接近7成，其中3場開「輸輸」、3場開「和輸」，「主主」係呢關必然之選，保守可補埋「和主」。

熱選：主主

次選：和主
第3關：馬會編號（三）8 修咸頓（9）Vs車路士（3）

修主場半全場數據

（9場：贏贏3•和贏1•和和2•和輸1•輸和1•輸輸1）

車作客半全場數據

（9場：贏贏3•和和2•和輸2•輸和1•輸輸1）

修咸頓今季9場主場贏4場，當中3次開「贏贏」，不過今場對手係前列車路士，對手有莫連奴領軍，嚟到快車尾站，人腳有限嘅「聖人」想唔輸都難。之但係考慮到修咸頓9次主場出擊有4次半場未分勝負，車路士作客都有4次開出「半和」，首選「和客」；如果怕「聖人」半場都捱唔到，咪要埋「客客」囉！

熱選：和客

次選：客客
第4關：馬會編號（三）9 史篤城（12）Vs愛華頓（4）

史主場半全場數據

（9場：贏贏1•和贏2•和和4•輸贏1•輸輸1）

愛作客半全場數據

（9場：和贏3•和和4•輸贏1•輸輸1）

史篤城今季9仗主場有6場開半和，其中4次開「和和」、兩次開「和贏」，表面睇只要半場唔輸就可以立於不敗之地，但考慮到史篤城喺呢場波之前先要北上作客紐卡素及熱刺，舟車勞頓恐影響表現。質高一籌嘅愛華頓今季作客7次開半場和同樣未輸過，雙選「和客」同「客客」。

熱選：和客

次選：客客
第5關：馬會編號（三）11 西布朗（15）Vs紐卡素（8）

西主場半全場數據

（9場：贏贏2•贏和2•和輸1•輸和1•輸輸3）

紐作客半全場數據

（9場：贏贏4•和贏1•輸輸4）

西布朗今季主場聯賽上半場甚少同對手互交白卷，9場聯賽有4次領先、4次落後，「半和」僅得1次，不妨先剔除「和主」、「和和」、「和客」3瓣。同樣，紐卡素9場作客有4次由頭贏到尾，反之4次輸波亦係由頭輸到尾，攤路十分明顯，揀「主主」及「客客」啦！

熱選：客客

次選：主主
第6關：馬會編號（三）39 曼聯（6）Vs熱刺（7）

曼主場半全場數據

（9場：贏贏3•贏和1•和和1•和輸3•輸贏1）

熱作客半全場數據

（9場：贏贏1•和贏5•和和1•輸輸2）

曼聯今季主場4次贏波有3次開「贏贏」，1次「輸贏」，如果認為紅魔鬼能全取3分，可選「主主」。另要留意曼聯今季主場經常臨尾香，除了開過一次「贏和」外，其餘4次開出半場和竟然未贏過，只得3和3負。熱刺9場作客有5場開「和贏」，想敲冷可揀「和客」。

熱選：主主

次選：和客
投X策略★★★★★★

投X「6寶」最直接同簡單嘅方法當然係去投X站填飛仔，不過元旦日撞正係賽馬日，大家唔想嘥時間排隊，最快捷方便梗係上網投X。只要大家有投X戶口，就可以喺足智彩官方網頁www.hkjcfootball.com內「投X區」按照指示完成登記步驟，之後就可上網投X，相當方便。大家亦可利用智能手機下載香港賽馬會應用程式，登入後即可隨時隨地揀選投X心水，夠晒靈活。
100元以下

「6寶」最少投X額為10元，如果大家又唔想盲舂舂亂填一通，想用100蚊「樓下」刀仔鋸大樹，最佳方法係揀幾關單選做膽，再拖其他比較難抉擇嘅場次。例如選擇4關單選、1關雙選、1關三選（10元注共60元）、又或者3關單選、3關雙選（10元注共80元）嘅投X組合。英超快車有利強隊，第1關阿仙奴「主主」、第2關利物浦「主主」、第6關曼聯「主主」都可作為單選重心。
投X組合A

第1關：主主

第2關：主主

第3關：和和、客客

第4關：和和、和客

第5關：主主、客客

第6關：主主

10元注，共80元
投X組合B

第1關：主主

第2關：主主

第3關：客客

第4關：和主、和和、和客

第5關：主主、客客

第6關：主主

10元注，共60元
100元多啲

要中「6寶」難度唔細，其實如果總投X額超過100元就可以選擇5元一注，用100蚊多少少，就可以買多幾注，點計都着數啲，即使派彩嗰陣只會以5元注計，但中到獎仲有乜所謂呢？我哋計過，其中一個經濟方法係以2關單選、3關雙選、1關三選，共24注，5元注只要120元本錢。或者3關單選、3關3選，5蚊注共27注只需135蚊，都有得諗。
投X組合A

第1關：主主

第2關：主主

第3關：和和、客客

第4關：和和、和客

第5關：主主、主和、客客

第6關：主主、和客

5元注，共120元
投X組合B

第1關：主主

第2關：主主

第3關：客客

第4關：和主、和和、和客

第5關：主主、主和、客客

第6關：主主、主和、和客

5元注，共135元
電腦票

如果對英超球隊唔熟悉、甚至對足球菠菜一竅不通，咁又有咩方法可以碰吓運氣？答案就係電腦飛！同XX彩一樣，「6寶」投X亦設有電腦飛，每張20元，每注10元共2注，電腦會幫你揀選2注「6寶半全場」組合。XX彩史上唔少金多寶頭獎得主都係靠買電腦飛中獎，下一個幸運兒隨時係你！當然，填完飛嘅投X者亦唔好慳，多買幾張電腦飛，可以為大家帶來更多中獎機會。仲要提一提大家，「6寶半全場」設安慰獎，如果選中5關賽果都可獲得安慰獎，真正買得多分得多！