公平競技換人連捷

猪拉多纳

告東尼馬房匹「公平競技」本身來自意大利，尋日咁蹺由意國好手彭利力執韁勝出，唔通人馬同聲同氣真係有幫助？
       
公平競技威水相陣容鼎盛。
楊明綸受傷走寶

練馬師告東尼賽後就話：「呢匹馬本來由楊明綸贏開，賽前試閘亦係由佢主理，好可惜騎者上期賽事墮馬受傷，白白錯過咗大好機會，不過最緊要匹馬最終能夠順利取得連捷，對馬主總算有交代。『公平競技』係一匹長途馬，二千米以上會更加適合發揮，季內仲有機會再爭頭馬。」
       

呢場賽事亦係公司騎師歐道樂交還牌照之前最後一戰，可惜坐騎「威勢之寶」成為包尾大幡，未能夠取得好成績送行。