姚本輝當旺有「料」到

猪拉多纳

　　近期容天鵬搶盡風頭，成績一下子由谷底彈上，而於元旦日喜中孖寶的鄭俊偉，新年伊始有轉運跡象。至於大摩也不失禮，上日包辦兩條馬房及捧走華商會盃。由於以上三廐攻勢太養眼，短期內必為人重視，賭博士提醒大家，向來作風低調的姚本輝，誠是一股不容忽視的勢力。

　　大話怕計數，自上月十八日勝出「氣勢如虹」開始，姚廐至今已連續五個賽日交出頭馬，近四W更隻隻是冷品，順序為「足智多謀」（47倍）、「正紅旗」（17倍）、「魅影蹄飛」（18倍）和「百年歡」（16倍）。輝哥部署真令人嘆為觀止，不多不少日行一善，而且做到不為人察覺，旗下冷馬長爆長有，按攤路估計，今日姚廐兵分十路，或許續有好戲上演！

　　先講第八場「塑料盈」，早年以田草1400米首本，如今馬老力短，季內兩次上名俱在谷草1200米建功。上仗於1400米快跟三段，跑法大有練氣嫌疑，柏寶試準後再作馮婦，縮程而臨是郁手信號。

　　再講第四場「執子之手」，在港六戰冇鋪好睇，不過今次初跑泥地，說不定可由蟲變龍，皆因牠季內曾試泥閘跑第二，當時見牠前速噴射，埋門貫注力亦佳，小心為上！賭博士