噴射機變陣「大」戰勝利

猪拉多纳

今日澳職頭場有紐卡素噴射機主場迎戰墨爾本勝利嘅好戲碼，兩隊都有唔少球員去咗踢U22亞洲國家盃，兵源一樣咁緊張。不過好在一眾攻擊好手都踢得，今場更可能係噴射機前鋒尼敦般斯嘅告別戰，點都想用入波嚟Say Goodbye，今場幾大都撐1.92倍入球大！

（有線64、203周五下午4:30直播）
勝利中後場殘陣

由於中場主力比爾蘭特同後防安祖賀利踢緊「太公波」，對近4場聯賽輸咗3場嘅噴射機絕對係一大打擊。球隊狀態低沉嘅主要原因係前面鬧入球荒，好彩佢哋已經及時作針對性嘅變陣，重用派牌型中場奇治葛雲，為雙箭頭供應彈藥，咁阿當泰加特同尼敦般斯就唔憂冇入波機會啦！講開尼敦般斯，佢嘅借用合約今場之後就完結，如果噴射機傾唔掂延長借用，佢就會返南韓嘅仁川聯，所以有理無理今場梗係爭取士哥啦！

墨爾本勝利依家亦有4個球員踢緊U22亞洲國家盃，後防主將利查又要停賽，加上守將柏保路干查拉斯同中場米利根受傷缺陣，中後場可用球員所餘無幾，作客要偷雞就惟有同噴射機鬥攻。賽前消息指因傷抖咗5場嘅王牌前鋒艾奇湯臣有望復出，咁就唔憂冇波入啦！
頂占筍盤：紐卡素噴射機（入球大）