聖驛善操足起筷

猪拉多纳

　　加入了莫雷拉的衝擊，的確增加了騎師彼此之間的競爭性，以前得韋達、柏寶，之後柏寶挑戰失敗後，又有潘頓冒出頭來；到韋達、潘頓半分天下，又殺出個莫雷拉，在於投X甚至欣賞角度，的確起到正面作用。

　　如今又多了一個杜滿萊，雖然上月騎師錦標賽晚他憑「環保戰士」後上殺晒，技驚四座，剛戰亦有「智勇福駿」贏馬；不過，看見他這樣走蝕位的跑馬方式，如果有好表現當然拍爛手掌，但落敗的話則不足為奇！試問有幾多匹「環保戰士」？

　　今期有兩匹潘頓坐騎可吼，第一匹是五場「聖驛善」，此馬季內首仗即在谷草1000米爆冷挫「安琛」贏馬，早已顯示出有潛質，且一再於不利形勢甚至操練悠悠閒下也跑好好睇睇。今番操練工序完全執番正，最起碼大、內圈日日見面兼有快操，繼續由潘頓操刀，計落對手並不算強，可期向第二W進發。

　　另一匹是七場「城中話題」，此馬來港至今一直未交代，成為問題馬之後改投方廐麾下，雖然仍難贏，但演出卻穩健，近兩戰入Q表現出色，潘頓發揮特別有心機，今次彈完閘再由潘頓拍閘始戰，狀態弗爆，力足贏番場交代。廖浩賢