阿馬利爆Seed捧帕爾馬着「素」

猪拉多纳

今晚意大利盃16強，衞冕冠軍拉素主場恭候帕爾馬，利查自月初再度執掌「藍鷹」後，兩戰不敗睇落唔錯，但進攻明顯有待改善，遇着愈戰愈勇、跨年9戰不敗嘅帕爾馬，就算有地利亦未必讓得起，寧吼實1.84倍「讓客」啱數。

（now633及660台周三凌晨4:00直播）
拉素進攻疲弱

兩年前帶領拉素以聯賽第4名過終點嘅利查，本月初重返有個好開始，喺處子騷砌低國際米蘭，可惜上仗作客深陷降班漩渦嘅博洛尼亞只能打和0:0，德國射手高路斯雖然搏足全場，可惜埋單僅得兩次埋門，兼夾係全部唔中龍嗰隻。利查賽後承認喺防守端搵到平衡點，不過中場缺乏亮點導致進攻疲弱。如今相距上場波只得三日，教頭利查要喺咁短時間內執掂中前場，可謂難過登天。

相反歇冬前連續7場不敗嘅帕爾馬，踏入新一年愈戰愈勇，接連砌低拖連奴同利禾奴，兩場波分別攻入對手3粒，重點係今季前半段冇段好睇嘅老將阿馬利表現大爆發，鬥拖連奴場波取得今季個人首球之餘，跟手嗰場更嚟個梅開二度，今場繼續有佢落場數胡，加埋成隊波士氣高昂，筆者相信佢哋能夠至少保持不敗。