見招拆招:銀鷹係時候交代

不死鸟

曾幾何時，大家對於何良幾時畢業都好感興趣，但近期何?馬演出一再令人失望之後，呢個話題似乎已經引唔起人興趣。不過今戰何廐精兵盡出，似乎有大舉出擊之意，分分鐘可以贏馬畢業，值得吼實。

        第二場五班千八米，「銀鷹」今季跑短途表現平平，但上仗增程跑泥地一哩表現卻令人眼前一亮，排十四檔起步仍放足三段，最後只負於頭馬三個半馬位得第六，表現及格有餘。證實馬匹具長力之後，今仗馬房安排牠增程跑千八米，以上仗走勢計可能應更合發揮，未開齋之馬隨時在此贏馬交代。

        第八場二千四百米皇太后盃，「好先生」在港四戰全入前四名，上仗被捧成兩倍大熱，直路初已見開始受困，騎者取位亦欠機警，最終落敗。今仗增程跑二千四百米雖欠路程根據，但既然在外地曾經出戰二千一百米跑獲亞軍，前仗跑二千米打呲大賽亦入位，氣量應毋須擔心。出戰三級賽負磅驟減，對這匹官仔馬更有利，抽得一檔起步應可賺盡形勢，只要前中段守好位競逐，力足收復前失。