畢爾包強搶貝迪斯

猪拉多纳

主場9勝2和

今晚繼續以盃賽為主打，阿King睇中其中一場西班牙盃16強次回合賽事，就係畢爾包主場對貝迪斯。畢爾包首回合落後一球，今仗回師無敵主場加上剛於聯賽大勝，眾將已磨拳擦掌準備收復失地。相反客軍貝迪斯上周聯賽主場輸波，球隊士氣大受打擊，難擋畢爾包強勁攻勢，阿King今仗強捧「讓球主勝」。

（周四凌晨2時30分開賽）

畢爾包今季主場表現出色，聯賽連盃賽11戰取得9勝2和的成績，強如巴塞隆拿作客亦要俯首稱臣，可見球隊主場威力強勁。畢爾包近5仗主場錄得全勝之餘更轟入15球，當中以上周聯賽主場6比1大勝艾美利亞表現最出色，球隊水銀瀉地的攻勢完全令對手招架不住，火力之猛實在令人咋舌，今仗續於主場出擊，有望繼續取得不少入球。
貝迪斯聯賽搏完未回氣

貝迪斯目前於西甲排包尾，球隊今季聯賽作客仲未贏過，只曾於歐霸盃及西班牙盃擊敗一些實力較次嘅球隊。貝迪斯上周聯賽主場對奧沙辛拿以1比2落敗，加上中場洛奴於上半場中段已被逐，令球隊長時間10人應戰，球員體力消耗大之餘士氣亦受到嚴重打擊，今仗更要作客「無敵主場」，相信都係凶多吉少，畢爾包讓球主勝穩開。
特魯瓦發「維」越級挑戰

其餘心水，法乙特魯瓦於法聯盃8強主場對法甲伊維恩，特魯瓦主場出擊分外醒神，適逢伊維恩近況平平且後防甚多甩漏，特軍藉地利有權贏埋，捧上盤。至於葡聯盃分組賽，D組賓菲加上仗於爭標大戰擊敗波圖士氣大振，球隊6連勝銳不可擋，今仗面對甲組仔歷索斯可望添食兼大勝，就算讓球主客和「-2」照捧可也。