疊水阿仙奴周六恰富咸

猪拉多纳

倫敦有好多支球隊，富豪球會亦有唔少，傳統富豪球會包括車路士、阿仙奴及今年豪使一億的熱刺，佢哋成績比較好又搵到錢，相信只會愈來愈富貴，但同時他們卻有一個貧窮的鄰居，雖然位處豪宅區，而且有個感覺富有的名字，但卻荷包乾旱，佢哋就是永遠冇錢買人的富咸。
富咸隨時要降班

今年富咸除了用低價引入了薛華洛迪、史基倫堡和柏加外， 其餘球員都是自由身來投，或以借用形式加盟，就算現在球會經過被曼城、侯城和新特蘭血洗，都只可以於冬季轉會窗借回舊將丹普西來應付下半季，想買個質素更好的球員返嚟都唔想使錢，我對佢哋今季後能否保住英超席位相當懷疑。

正當富咸正步入水深火熱的同時，阿仙奴今屆卻以破紀錄轉會費簽入大眼仔奧斯爾，早排更盛傳兵工廠想向這位窮鄰居下手，力邀富咸的射手貝碧托夫轉會，如果成真睇怕富咸成績將更不濟。阿仙奴今年條中場線就打到曉飛，但前鋒就傷吓一件傷吓又一件，禾確特客串一場前鋒都傷六個月，所以現在鬧前鋒荒，冬季轉會市場要搵前鋒確係領隊雲格迫切解決嘅問題。

今個星期富鄰居阿仙奴主場迎戰窮鄰居富咸，唔使我講都知阿仙奴一定會大勝富咸，與其擔心比數不如睇下阿仙奴邊個打前鋒仲好啦，星期六晚now tv英超直播見。

（now 621周六晚11時直播）