聰敏不凡加配備有睇頭

猪拉多纳

薛寶力合約快將屆滿，為求成功續牌，近期積極博取表現，冷熱盡砌，新鮮例子有上次沙田日賽巨型冷W「新希望」。列陣第四場的葉廐馬「聰敏不凡」出道至今兩仗皆由騎者操刀，可惜全因陣上搶口致無以為繼，倉主葉楚航今次申請替馬兒綁脷及採用交叉鼻箍上陣，擺明想盡快拚個明白。
       
聰敏不凡

昨晨七時廿分，薛寶力親自替「聰敏不凡」在大圈最後試跑，航哥積極求變，刻意走近在場攝記旁邊以低抄角度睇操，馬兒是課戴上兩個新配備明顯有規有矩，走來快慢由人，不容低估。