馬賽羅馬海倫芬大盤串燒

猪拉多纳

今日阿King好有心水，簡直可以用心水滿瀉嚟形容，所以晨早同《東方波經》編輯大佬霸位，一定要預小弟，廢話唔講咁多，直接話畀大家知，馬賽、羅馬同海倫芬全部揀大，三串一逾5倍回報唔錯。

先講法甲馬賽主場對華倫西恩斯，馬賽剛於法聯盃出局，法足盃現時只係32強階段，能否捧盃言之尚早，現階段為咗爭前三出席來屆歐聯，主場出擊點可以失手，不過，對手華倫西恩斯歇冬後亦告回勇，入球能力大大改善，現時排尾三，下半季要搶分護級，今場一樣要搏命，玩大比主勝更穩陣。

（TVB 302周日凌晨零時直播）
羅馬托迪復出現霸氣

跟住睇場意甲，羅馬主場對利禾奴，又係前列對下游之戰，羅馬王子托迪已經重返正選行列，佢上仗對熱拿亞仲取得傷愈後首個入球，大家應該仲記得佢哋季初連勝嗰份霸氣，當時就係有托迪在陣，依家又可以向季內第二個高峰進發，今場對手只係近7場輸6場嘅利禾奴，又係數胡時候，入球大比讓球主勝賠率高少少，就揀入球大。

（TVB 301周日凌晨1時直播）

最後揀埋海倫芬主場對洛達，玩開荷甲嘅朋友都知海倫芬係大盤常客，理論上瞌埋都揀大，今場仲多個理由添，因為對手洛達搵嚟前丹麥國腳湯馬臣執教，佢係前鋒出身，教波理念都係喜歡進攻足球，同海倫芬主帥雲巴士頓一樣，即使中位數調高至3/3.5，一樣要揀大。