維迪斯小鬼孭飛大施殺

猪拉多纳

唔少荷甲球隊喺歇冬期間都有球員變動，暫時最矚目係燕豪芬由英超富咸借得哥斯達黎加國腳拜仁雷斯加盟，拜仁雷斯當年曾協助川迪贏過聯賽及荷蘭盃冠軍，希望佢可以帶領燕豪芬走出底谷。
施禾利主場有威力

另一名值得留意嘅荷甲新兵係維迪斯中場貝特蘭查奧爾，唔好睇呢名車路士借將今年只有十八歲，查實佢已經代表過布基納法索國家隊上陣十一次，被視為非洲其中一夥明日之星，唔好忘記陣中仲有另一名車仔借將、今季已有十一個聯賽士哥嘅盧卡斯皮亞桑，由呢兩名「90後」組成嘅中場線絕對令人期待。維迪斯今晚作客鬥施禾利。施禾利上季曾在歇冬後首仗爆冷贏過當時得令嘅燕豪芬，主場出擊未必冇得打，波童建議捧大盤。

now 670直播