鳳凰愈踢愈好讓得起勝利

猪拉多纳

澳職今日又有好戲上演，近期愈踢愈好嘅威靈頓鳳凰喺主場迎戰墨爾本勝利，雖然兩隊排名一低一高，不過鳳凰依家正值士氣最高昂時候，近期又陸續同陣中主力續新約，似乎對前景充滿信心，今場要砌低表現飄忽嘅墨爾本勝利一啲都唔難，讓平半一於捧上盤！

（有線64、203周六下午2:30直播）

威靈頓鳳凰開季連續10場聯賽不勝後，近4場突然發威拎到3勝1和不敗佳績，射手侯斯甘斯入咗5球絕對居功至偉，但一眾配角其實都有唔錯表現，所以鳳凰近日接連同旗下球員續約，中場艾拔尼拿、後防保沙爾同門將伊達利安奴都簽咗新約。講開艾拔尼拿，呢位大部分時間係兼職球員嘅30歲西班牙中場，原本只係簽番嚟戥腳，點知佢愈踢愈好做埋正選，依家仲簽埋新約，真係可喜可賀！

墨爾本勝利近4場聯賽只係得1勝2和1負，今季作客更只係贏過一場咁大把，中場隊長米利根日前又做咗膝部手術，嚟緊要抖6星期。加埋同樣養緊傷尼高斯，去咗踢國際賽嘅史葛加路維、謝利亞同干洛皮恩等主力，今場殘陣作客威靈頓鳳凰實在好難睇好囉！

頂占筍盤：威靈頓鳳凰（上盤）