皇者拍檔開竅再贏

猪拉多纳

　　今晚方嘉柏手馬實力唔錯，我睇好佢應該有馬贏，最啱心水係尾場「皇者拍檔」。呢隻馬雖然跑到上場先開齋，但贏馬姿態真係好輕鬆，彈甩亞軍「魅力小子」近三個馬位；既然已經贏馬開竅，今次繼續跑番1650米，隨時可以添食。

　　另一匹心水係頭場「辣得喜」，今季轉去賢廐之後確係有進展，上場響直路賽入Q，證明七歲馬戰鬥力未退化。今次跑番以往曾兩勝嘅谷草1000米，係時候贏馬交代。(張敬山)