齊飛明刀明槍

猪拉多纳

　　莫雷拉真不負「雷神」雅號，陣上演出如有神助，周三晚又食大四喜，成績繼續搭直升機。賭博士早就呼籲大家，每逢快活谷投X此君騎師王，可靠程度恍如到提款機提款。大話怕計數，今季雷神九戰谷中賽事，共七度封王，刻意捨棄其谷草戰馬，情況等同跟荷包作對。

　　不過話分兩頭，雷神畢竟是人，人便難免有弱點，看其田草成績，無論勝出率或頭馬數目，明顯較谷草輸蝕一截；泥地項目則更甚，現只累積兩W，勝出率僅一成五，遠遠落後於谷草和田草。

　　周日返回沙田比賽，相信莫雷拉未必可再冧庄，皆因十場賽事跑七草三泥，兩者俱為雷神弱項，那麼誰有本事代之而興？潘頓被人追到氣咳，發威此其時也。

　　第二場「齊飛」上仗重開久違了的勝門，葉楚航部署值得一讚，深明馬兒跑草地實力見盡，遂改往泥地背水一戰，結果試出彩虹，並輕勝一乘許而返，今吼勝途重臨，晨課見潘頓摸實唔放，擺明車馬謀添食。