問鼎一級賽 航哥靠晒跑寶貝跑

猪拉多纳

昨晨葉楚航馬房大舉練兵，最搶鏡必定係列陣第七場百週年紀念短途盃之「跑寶貝跑」。約七時許，戰駒由安國倫親自慢跳兩段，航哥動作多多，先見他企出隧道口檢視馬兒一輪，再即場向鞍上人畀柯打，接着便撲返入烽火台舉鏡睇馬，而且表現得頗為肉緊，似乎對於今仗有極大寄望。「跑寶貝跑」埋門操到火噴噴，仲抽得10檔靚位起步，佔盡天時地利，此場一級賽頭馬獎金三百四十多萬，為名為利，航哥唔緊張就假。