紅龍征保頓大晒冷

猪拉多纳

英格蘭足總盃第4圈（32強），英冠嘅保頓將會喺主場越級挑戰英超「紅龍」卡迪夫城，保頓近期防守極之脆弱，上場喺聯賽慘遭大敗更令球員士氣跌落，相反「紅龍」喺新帥蘇斯克查領軍下表現漸有起色，亦有一定嘅功力，今仗捧入球大啱數﹗
卡迪夫城對曼城都入波

保頓上仗大敗畀同級對手雷丁1比7，連埋呢場波，保頓近五場一共失咗16球咁多，防線簡直係形同虛設，皆因呢隊波唔係一隊踢法保守嘅球隊，近9仗全部都有波入，尼高治、碧福特、安祖摩利斯、馬菲米斯均曾取得入球，入球極之分散。

卡迪夫城雖然喺蘇B領軍後先贏得一場英足盃咁大把，但其實輸畀韋斯咸一仗「紅龍」表現唔差，曾經住韋斯咸嚟砌，至於輸畀億萬大軍曼城則係情有可原，況且對住曼城都入到波，證明「紅龍」功力唔弱，中場格力洛尼同前鋒費沙甘保近排都有波入，今仗對手只係英冠嘅保頓，大盤有望。
now 621及635直播