禾堡勢銳追殺漢諾威

猪拉多纳

德甲重開令菠菜市場再次熱鬧起嚟，呢個賽事近年於行內愈來愈受歡迎，主要因為拜仁名牌效應，吸引咗更多投X人士關注，帶旺整個聯賽。不過，拜仁持續搶走死敵主將，呢點對呢個聯賽發展冇乜益處，一隊獨大冇意思，要好似英超做到百花齊放先係真正成功。

講番今次重心推介，禾夫斯堡主場對漢諾威，讓一球照捧上盤！禾堡上半季戰績唔錯，現時位處有利位置，有本錢後來居上爭奪歐聯席位，論人腳呢班波絕對可以成為德甲一線球隊，經過半季磨合後，預期佢哋戰績會穩步上揚，下半季值得跟進，今次讓到一球個盤非常硬淨，禾堡有坐走望贏之力，可以一試。

(周六晚10時30分開賽)
足總盃韋根衞冕戰意堅

同日仲有英格蘭足總盃賽事，英冠大軍韋根全力爭取衞冕，雖然難度好高，但起碼有鬥心，唔使估估吓。韋根於英冠爭唔到冠軍，大有機會轉做盃賽專家搵真銀，今場對住英超護級分子水晶宮，依家要讓平半至半球，個盤真係唔講得笑，相信佢哋可以贏波贏盤，呢隻上盤都博得過。

(周六晚11時開賽)