風火神駒照辦煮碗

不死鸟

苗?「風火神駒」今季出道至今表現一直不錯，上陣五次取得三冠佳績，不過其評分已上升不少，目前要在田草作賽似乎已有阻力，因此上場苗禮德安排此駒過快活谷跑1000米，最終因為排10檔的不利情況下，馬匹只能屈居一席殿軍。
今次此駒出爭1200米途程，大家又會點睇呢？密探可以話畀大家知，此駒似足「大智慧」，是次初跑泥地隨時可以一鳴驚人。「風火神駒」與「大智慧」同父，彼此都出自Elusive City，此系馬泥地性能特佳，因此「大智慧」剛戰轉跑泥地即一戰功成，既然有前駒可鑑，今次「風火神駒」自然照辦煮碗。
事實上，「風火神駒」早於去年12月時曾試一課1050米泥閘，其走勢甚佳，更以首名過終點，那時已反映牠必合泥地賽。不過當時此駒依然在草地有好成績，所以無謂轉場出擊，但既然現時馬匹評分在草地已無優勢可言，確實要變陣求功，因此今仗安排改跑二班泥地1200米，馬房上下都有十足信心，可步「大智慧」後塵轉泥一戰功成。