錫菲聯大戰彼德堡

猪拉多纳

今晚雖然有多場強戲頭賽事，不過阿King就睇中一場低組別球隊對碰，英甲錫菲聯主場對彼德堡。錫菲聯剛喺英足盃同英超富咸交鋒，球員身心俱疲，周中即要惡鬥前列分子彼德堡，後者近期表現非常反覆，今仗相信會貫徹入得又失得嘅作風，阿King決定捧入球大。

（周四凌晨3時30分開賽）

錫菲聯過去周日喺英足盃同富咸激戰，有主將杜爾尼下半場領紅被逐，大部分時間10人應戰下同對手打成1比1，一眾球員身心俱疲下，今仗即要面對英甲第七位嘅彼德堡，相信未必回得切氣，甚有機會被對手攻破大門。彼德堡近期成為「大盤」保衞者，近八仗有七場開出入球大，而且對上兩場總入球更出現「7+」。該兩仗賽事彼德堡共轟入對手8球，但同時失咗8球，其中上仗喺領先3比0下竟以4比5被奧咸反敗為勝，可見球隊現時處於入得又失得嘅狀態，今仗作客錫菲聯相信會繼續出現此情況，所以阿King繼續支持大盤。