拉素回勇「讓客」咪走寶

猪拉多纳

拿玻里戰意減排弱陣

今晚最後一場意大利盃8強賽事，將會由拿玻里主場迎擊拉素。拉素目前喺聯賽排第10，參戰下屆歐洲賽機會唔大，意大利盃成為球隊另一參賽途徑。佢哋今仗作客表現回落嘅拿玻里，既然受讓一球咁筍，一於捧2.4倍「讓球客勝」。

（now633及660台周四凌晨3:45直播）
「藍鷹」博打歐洲賽

「藍鷹」拉素近兩仗分別反勝烏甸尼斯同打和榜首祖雲達斯，其中打敗烏甸尼斯一仗更令球隊打開今季聯賽作客勝利之門，大大提升士氣。話就話佢哋喺聯賽仲有機會爭奪下屆歐洲賽入場券，但只要佢哋今場晉級，隨時打多兩場就拎到參賽資格，試問佢哋點會唔搏？以佢哋近8仗僅1敗嘅佳態，有力喺90分鐘內保持不敗。

拿玻里主帥賓尼迪斯早前講明要成為聯賽「二哥」，直入下屆歐聯分組賽。可惜球隊氣勢回落連和兩場，唔單止被排第2位嘅羅馬拉開至6分差距，更被第4位嘅費倫天拿追至僅3分距離，相信佢哋同上一圈一樣會收起大部分主力出戰。而且中場比哈美、守將辛尼加休戰，想喺法定時間內解決連續7場盃賽不敗嘅拉素，真係談何容易。