環保之星 有力突圍

猪拉多纳

　　今日沙田七草三泥賽事，用連場混戰來形容絕不為過，因C+3跑道及泥地跑道俱經常出現偏差，大家不妨在頭幾場睇定形勢才出擊。

　　頭場五班1600米，「環保之星」季初在五班贏1400米一役是賺盡快步速形勢，水準平平無奇，不過之後上四班出戰1600米，卻能在逆境中走得接近，反映有一定實力。隨後「環保之星」再於四班1600米連輸三仗，可說各有敗因。今次落五班對手減弱，有分頭不容錯過。

　　第六場四班1600米，「蓋世子牙」前仗在田草遇逆境仍見好走勢，跑三班1400米負於「勝飛」四乘許屬不俗賽績，上仗在谷草遇超慢步速亦追得好，可見近況甚佳。今次在四班跑盲門路程，隔晚有幾十倍值得一敲！

　　第十場三班1600米，「真慷慨」一連兩仗遇不利慢步速都可追近，評分明顯已屆反彈水平，今次落三班隨時動食指！(刀仔)