強勢川迪作客有芬落袋

猪拉多纳

今晚荷甲直播有燕豪芬主場鬥川迪。燕豪芬歇冬後贏過阿爾克馬爾及甘堡爾，成績有改善，不過其實兩次贏波都好「忟」水。相反川迪保持強勢，歇冬後連贏荷華高斯、甘堡爾及海倫芬，近八場聯賽七勝一和，狀態弗到漏。在冬季轉會窗加盟嘅挪威小將波雲上次處子登場即有士哥，初步嚟睇冇入錯貨，而且今季加埋已經入咗二十一球嘅卡斯泰亞奴斯及杜辛泰迪治都可披甲，有權反客為主。連同盃賽在內，川迪近十次遇上燕豪芬取得四勝五和一負佳績，不敗率達九成，有得受讓不容錯過。