新特蘭弗番侯擒

猪拉多纳

英超護級搶分夠晒激

今季英超護級形勢真係前所未有咁激烈，榜尾去到第十位差距唔夠十分，幾場波隨時變咗兩個世界。賽事打得咁緊湊，全因每班波都有番咁上下戰鬥力，又一次要讚賽會搞得好，起碼啲三線球隊都有足夠資源招兵買馬，隊隊波都有競爭力，前有前鬥，後有後鬥，嚟緊場場都係好戲，仲有排睇啊！

講番今次重心推介，英超新特蘭主場對侯城，捧主隊！新特蘭踏入2014年演出脫胎換骨，近期連場成功搶分，暫時脫離危險地帶，護級前景都算樂觀。「黑貓」本身班底唔差，只要打番起信心好成績陸續有來，相信去到季尾都唔愁會降班，今次面對同級球隊侯城，只係小讓平半，個盤都算合理，呢隻上盤絕對博得過！（now 625周六晚11時直播）
基爾禾頂得住烏甸

同日意甲烏甸尼斯主場對基爾禾，呢場撐客隊！烏甸以往係意甲搵食球隊，每季儲夠分就收油，做到收放自如，反映班波實力甚強。不過，今季佢哋位列下游要護級，踢落唔算好，已經冇乜讓波本錢。基爾禾勝在有自知之明，作客慣性專心死守但求有分落袋，近期曾賽和實力分子拿玻里，證明頂得兩嘴，今次受讓可以秤先。

（周日凌晨1時開賽）