噴射機回勇追殺鳳凰

猪拉多纳

澳職今日有場下游大戰，由紐卡素噴射機主場鬥威靈頓鳳凰，雖然噴射機連續6場聯賽不勝，但上仗佢哋臨完場前逼和西悉尼流浪者，就搶到振奮士氣嘅寶貴1分，今日佢哋仲有英格蘭前鋒希斯基復出，有力擊退威靈頓鳳凰重響勝鼓，捧2.1倍主勝有着數！（有線64及203周日下午2:00直播）
希斯基傷愈或披甲

紐卡素噴射機自從換咗辛尼做教練後，雖然仍未打響勝鼓，但班人嘅戰意明顯提升咗唔少，上仗對住爭標勁旅西悉尼流浪者踢出近期代表作，阿當泰加特打破入球荒，信心返晒嚟，就算另一件前鋒祖爾格菲斯今場停賽，但有消息指希斯基傷愈或者可以落場，鋒力絕對有增無減。

威靈頓鳳凰有射手伊菲爾同中場路爾斯芬頓重傷提早收咧，即使球員近期狀態唔錯，但戰鬥力始終受到一定打擊，最令人擔心嘅係呢班波連續兩場尾段都有失球，證明球員體能不足、唔得集中，今日造訪戰意高昂嘅紐卡素噴射機，大有機會輸波而回。
頂占筍盤：紐卡素噴射機（主勝）