侯城換血鋒線大爆發

猪拉多纳

經過上月冬季轉會市場一輪交易後，部分球隊增兵見成效，評級獲調升，尤其係積弱已久嘅球隊，注入新血後水準大躍進。英超侯城屬於明顯例子，一對新加盟前鋒沙恩朗及謝拉域表現對辦，今晚快車主場對火力十足嘅修咸頓，首選入球大。

（now 623周三凌晨3時45分直播）

侯城本身班波唔曳，唯獨欠具質素射手，上月對症下藥羅致沙恩朗及謝拉域後，攻力有改善，前者上陣3次已入兩球，後者上仗亦開齋。謝拉域波底唔錯，之前喺愛華頓因缺乏上陣機會而影響狀態。佢嚟到侯城擔正有更多發揮空間，可望重拾昔日高峰水準。
韋斯咸回勇主場值捧

修咸頓防線冇季初咁穩陣，但攻力變得更強橫，由列基林拔、積洛迪古斯及拉爾拉拿組合嘅鋒線好有威力。雙方首循環合力炮製5個入球，更何況侯城現時入波能力有所提升，大盤值博。

韋斯咸頻頻搶分成功，打起氣勢，主場小讓諾域治平半，上盤要得過。另外，西班牙盃4強次回合，皇馬有3球在手，應會唔再搏，平手盤捧主場嘅馬德里體育會。