馬上得分:第4場重心推介靚太陽重返勝途

不死鸟

 楊明綸自四月八日憑徐廐「瀟灑財星」贏馬後，便未再有頭馬進帳，暫時季內累積五Ｗ，表現較同期的蔡明紹、梁家俊遜色。不過，觀乎楊明綸的陣上演出仍算有板有眼，只要得到足夠的支持，再加上本身有十磅可減，應該不難爭取更多頭馬。今戰楊明綸策六駒上陣，當中不乏實力分子，且看能否打破悶局。

　　第四場五班千四米﹕「靚太陽」於總場次446出爭田草千四米，當日掛牌為好至黏地，按理所造時間應會比正常場地慢，但此駒卻在全程快放下，於頭三段造出五十九秒一七，較同日的四班賽還要快一線，最終可貫注到底入Ｑ，僅以個多馬位輸給賺盡形勢的「晨速」，表現絕不簡單。

        翌仗「靚太陽」再跑同程，繼續交出上佳表現，只是頭馬「喜蓮精英」實力太強，所以才再次屈居亞軍。不過，事後睇該役跑第三的「活力驍」再出仍有接近表現，跑第四的「凱旋煌」其後更順利補中，足見「靚太陽」這席第二水準甚高。近兩仗此駒分別跑不合發揮的谷草一哩及一千米，真正實力未能發揮，今仗終於復回師贏馬路程，兼得一檔之利，預期出閘後可貼欄順走操控步速，力足言勝。

　　對手方面，「馬主叻」上仗轉用放頭跑法即入Ｑ，僅以頸位不敵頭馬「自動加速」而已，論實力已站在勝利邊緣，今戰同場除「靚太陽」外，幾乎再無其他前領馬會拉快步速，估計牠亦可受惠於步速形勢，配腳宜優先考慮。

葵扇煙表現有起色

        「葵扇煙」上仗末段衝刺強勁下跑入第三，表現有起色，此程贏過有根據，第三勢力所在。
　　「活力驍」實力未算突出，但勝在近況夠勇，不妨拖一票。