費倫要回氣 細頂國米

猪拉多纳

意甲獨腳戲費倫天拿主場對國際米蘭，費倫剛於周中打入意大利盃決賽，的確有助振興軍心，但亦要提防球員仍沉醉於勝利之中，而且搏完一場硬仗，體力消耗極大，未必回得切氣。國米上仗終於一嘗今年首場勝仗，但對手只係弱隊薩斯索羅，毫無說服力，難對主隊大門造成威脅，各有不利隱憂情況下，寧揀1.88倍入球細。

費倫今季整體表現好過國米，近10次主場出擊更錄得9勝1和，優勢非常明顯，但主W仍有2倍，熱唔透。好大程度上因為「紫百合」剛於意盃4強次回合搏到殘，該仗為收復首回合失地，壓住烏甸尼斯狂攻，一眾中前場球員走上走落，不遺餘力。慶幸成功晉級，但亦付出大量體力，費倫人腳唔算充裕，匆匆再戰可能吃不消。尤其係射手基奧斯比羅斯受傷後，缺乏一位可靠前鋒爭取入波，往往要古達度等中場後上攻門，佢哋周中跑到腳軟，今場想入波，恐怕有心無力。
國米攻力衰到貼地

國際米蘭攻力更加衰到貼地，踏入今年7戰僅入3球，而且3球都係後衞攻入。國米狀態差、士氣低、信心弱，難怪球員都唔敢推前搶攻。但會方仍然支持庸帥馬沙利繼續執教，相信短期之內難有起色，想攻破費倫大門，談何容易，守和已經算執到。
TVB301 周日凌晨3時45分直播