馬拉加攻守冇瓣掂撐皇蘇

猪拉多纳

今晚西甲獨腳戲將會有馬拉加主場迎戰皇家蘇斯達，主隊上季仍然係歐聯8強分子，點知到咗今日，搞到要專注護級，今晚對住名列前茅嘅皇蘇難望有好成績，平手盤一於要1.93倍客勝。

（開賽時間：周二清晨5:00）
基沙文 韋拿專恰弱旅

皇蘇近4場雖然全部不勝，但其實當中佢哋惡鬥馬德里體育會後再要兩戰巴塞隆拿，而且對住咁嘅強敵都踢得絕對唔失禮，得到2和2負實屬非戰之罪。球隊神射手基沙文同埋次席得分王卡路士韋拿，今季對住弱旅往往都有好表現，例如早前鬥艾爾切、桑坦德等都有進帳，基沙文上仗西盃對巴塞亦都射穿對手大門，今仗可望再展現上佳射術。

近況令人慘不忍睹嘅馬拉加，家陣正喺降班區邊緣徘徊，佢哋喺近6場聯賽只係意外贏過西維爾，除咗呢場外，其餘5戰夾埋只係入過1粒，火力疲弱。防線方面更加係慘不忍睹，最近3場聯賽夾埋勁失9球，今晚想搶分確實有難度。