施丹發功皇馬炒起艾爾切

猪拉多纳

一代巨星魅力有幾勁？問下皇馬球員就知喇。自從今季法國球王施丹出任助教後，真係幫輕咗主帥「肥安」安察洛堤唔少，據聞佢專登為謝斯洛迪古斯安排攻門課程，訓練到呢位新星依家能夠左右開弓，中鋒賓施馬更喺「心靈導師」施丹嘅鼓勵下開晒竅，難怪兩人近期士哥停不了喇。

今晚西甲早場皇馬喺主場迎戰弱旅艾爾切，雖有王牌C朗及莫迪歷停賽，不過施丹操到班兵弗到漏油，歇冬後13仗贏咗12場，遇上作客遇強腳軟嘅艾爾切，「銀河艦隊」勢必大炒一場，為下周中歐聯16強作客史浩克04造勢，就算要讓兩球照捧讓球主勝。
now 632周六晚11時直播