飛躍禾堡恰疲兵利華

猪拉多纳

兩支實力接近球隊對碰，但雙方目前狀態卻各走極端，利華古遜近期三線作戰全面潰敗，體能同士氣都跌至谷底，作客面對冒起中嘅年輕隊伍禾夫斯堡唔夠砌，禾堡小讓平半嘅上盤係Macot信心之選。

（有線61及64台周日凌晨1時30分直播）
利華主帥荏弱損士氣

利華古遜喺性格荏弱同三心兩意嘅教頭希比亞手上，變成一支經常垂頭喪氣嘅球隊，希比亞經常喺劣境下放棄戰鬥，以為可以留力下一場，但反而對球隊士氣構成損害，佢哋先喺德國盃主場輸畀乙組凱沙羅頓，歐聯主場對巴黎聖日耳門更慘吞四蛋，兩項盃賽同告玩完，甚至德甲聯賽近五戰亦已三敗，上場聯賽罕有咁搏到加零一都喺主場輸畀主要競爭對手史浩克，可謂力疲心傷，如今歐聯慘敗後匆匆再戰，根本冇時間回氣同療傷，好難指望佢哋忽然轉弱為強。

禾夫斯堡喺體育總監K阿羅夫斯同教練赫基合作下已走上正軌，比利時小將奇雲迪布尼已逐漸取代迪亞高嘅領軍位置，球隊逐步年輕化後如今朝氣勃勃，現時目標已經調升至爭奪下屆歐聯參賽資格，事實上禾堡有雄厚財政背景支持，又有優秀管理人才帶領，前景絕對不遜利華，今晚挾聯賽兩連勝強勢主場出擊，力足擊退強敵，進一步逼近前四位置。
Macot 推介：

禾夫斯堡上盤

3★

昆士柏流浪上盤

3★

華倫西恩斯勝

3★