抖擻精神直到最後

猪拉多纳

有啲唔明白小弟心態嘅人，成日話我離題萬丈，九唔搭八，但Peter嘅最大抱負係透過運動嘅比賽過程，分享一下體育與人生嘅真諦。

好似日前兩場冬奧冰球賽事，男女子組都係宿敵加拿大對美國，結果都係加國險勝一球。男子四強加拿大早段領先一球，憑住堅強嘅鬥志、有紀律嘅防守同教練嘅部署，保住勝果到尾。
欠缺集中金牌冇埋

至於女子賽事係決賽，美國好早領先2比0，點知最後三分鐘連失三球，連個金牌都輸埋。

Peter唔想用美國班球評家輸打贏要嘅態度，用運氣、球證判決等為美國開脫，Peter想強調，美國女子隊球員冇集中精神，贏足57分鐘都冇用，未完場就係未完場，相反，加拿大男子隊就係守到尾後一分鐘，取得呢種「困獸鬥嘅勝利」。好多時球賽勝負唔係一定講牌面實力，心理質素、臨場表現、合作精神都好重要，正好體現於英美運動金句：「When the going gets tough, the tough gets going」，即係環境愈惡劣，強者愈剛強。
金句：環境愈惡劣強者愈剛強