遊俠兒 輝哥：仲有得贏

猪拉多纳

姚本輝周三派出四駒列陣，其中挾新勝姿態而臨的「遊俠兒」，由於贏馬拍檔杜滿萊正值停賽，需要易配。在芸芸騎師之中，姚本輝決定起用首次接手的潘頓，查騎練季內雖只曾合作六次，卻合力交出兩場頭馬，往績可恃，而練者對「遊俠兒」連捷機會感到樂觀，寄望人馬可擦出火花，進一步突破馬匹潛能。
       
遊俠兒剛戰於谷草1200米，初嘗勝利滋味。

「遊俠兒」剛戰於三班谷草千二米，開啟在港勝門，今番再於同程出擊，姚本輝睇好此駒可乘勇再勝，他說：「『遊俠兒』剛戰贏馬難度其實不低，出閘起步後受到他駒碰撞而失位，被迫留在尾列，形勢十分不利，然而最終可以從包尾以勁勢追上，趕過一眾對手贏馬而回，恣態十分出色。雖則亞軍『寶貝王』翌仗再出大熱落敗，這仗水準未必可以作準，但『遊俠兒』正值勇熟階段，續爭三班有一定能耐，大有機會再下一城。」
       
姚本輝
正紅旗換呂卓賢減磅

另外，列陣四班一哩的「正紅旗」由呂卓賢頂替停賽的杜滿萊，姚本輝說：「『正紅旗』已踏入五歲，已變得成熟可靠，只不過現階段於四班作賽，需借助形勢配合。今戰角逐C+3欄C+6彎跑道，若然抽得較內檔位，對此匹跑法前置之馬發揮將大有幫助，另換上呂卓賢孭輕七磅上陣，亦屬有利條件。」