咁都得賽績可靠

猪拉多纳

　　列陣頭場五班1650米的「馬風雲」，由前季尾至今直落連輸二十仗，期間更位置欠奉，九歲老馬可謂一無是處。但從另一角度睇，此駒評分屢創新低，幕後仍未肯放棄，相信必有見地。

　　事實上，「馬風雲」近期有復甦跡象，上仗角逐谷草1650米得第八，成績乏善足陳，惟細看其末段造22秒59，速度乃全場最快，若綜合尾三段時間，則是全場追勢第二勁之馬！當時牠若非起步慢腳失位嚴重，名次必可大幅提升。今仗改配呂卓賢獲減7磅，且抽得三檔靚位，如出閘順利，料有機會重啟勝門。

　　另外，列陣第四場四班1200米的「咁都得」，剛戰快放入Q走勢悅目，與之一同鬥燒的「赤膽」，結果只得第四，以後駒再出獲贏位各一水準計；「咁都得」實力宜看高一線，身處四班乃時刻要防之馬。(黃奔)