搏完歐聯未回氣多蒙特難炒紐

猪拉多纳

歐聯16強首回合賽事打晒，大部分賽事都係客隊佔優，德甲另一代表多蒙特順利贏波，若單計歐聯演出，德甲雙雄拜仁同多蒙特級數絕對喺英超列強之上，但同史浩克04及利華古遜等第二梯隊之間嘅斷層愈嚟愈大，對聯賽長遠發展唔係好現象。

多蒙特剛於歐聯贏得精彩，返到聯賽主場對紐倫堡又被捧成一面倒熱門，查實佢哋上場都搏得好盡，遠征辛尼特過後回氣需時，唔係話贏就贏，千祈唔好睇得太高。多蒙特喺德甲評級僅次拜仁，慣性讓得多，今次要讓球半、兩球，個盤實在太辣喇，隨時贏波輸盤，呢場可博下盤，兼顧埋入球大。

（有線61及201台周六晚10時30分直播）
盤口硬淨 漢堡有計

跟住仲有另一場德甲，漢堡衰到大半季，一度被行內人士認定會降班收場，但球隊上場大勝前列球隊多蒙特打出今季代表作。漢堡今次作客對雲達不來梅，兩隊係同級球隊，正路不來梅有主場之利點都要讓波，但莊家開出平手盤，漢堡仲要低水啲，個盤相當硬淨，反映操盤手都睇好呢班波可以繼續反彈，值得再追多鋪！

（周六晚10時30分開賽）