勝哥兒級數最高

猪拉多纳

　　今晚第四場一班1650米，出馬雖然只有九匹，卻是焦點賽事之一，事關目前在跑馬地百萬挑戰盃暫居第一及第三位的「牛精仔」及「喜多盈」皆於此場列陣，估計必受馬迷追捧。不過，此兩駒始終拼搏多，場場用力，存在一定隱憂。計級數，「勝哥兒」必是此場最高一匹，季內全跑級際賽，除了香港盃一役輸得較遠外，其餘大多跑獲獎金名次，當中上場更加入Q。今仗降格跑一班賽，對手明顯減弱，而谷草三戰全上名亦是強項，勝望甚濃。「如你所願」於草地及1650米均有贏馬紀錄，今初跑谷草一哩必合，千祈咪睇小；「經典皇牌」韋達超磅都騎，未必係陪跑，同樣有冷味。

　　另外，第三場四班1000米，「名馬」已連續兩場於同程分獲一季一殿，久沉馬明顯有起色，告達理可安排勤拼，健康方面應無問題，繼續排得好檔位，必把握黃金機會重開勝門。「好利佳」易位難贏，純因經常抽外檔影響發揮，今次終於排靚檔，亦屬爭勝分子。「君子協定」前景最好，若因12檔換來賠率，絕對抵買。（向東）