聖羅倫素主W益里

猪拉多纳

阿甲快車遇私房菜

本周中雖然係國際賽賽期，但阿根廷聯賽則大開快車，聽朝有三場阿甲上演，其中聖羅倫素會喺主場迎戰羅沙里奧中央。聖羅倫素主場嘅戰績非常惡，加上球隊近4次喺自己地頭對羅沙里奧中央錄得全勝佳績，今仗贏面可說甚高，阿King一於捧聖羅倫素喺主場奏凱。

（周五早上6時10分開賽）

聖羅倫素今季要出戰南美自由盃，對球隊造成唔少影響，上仗作客河床更輸波而回。不過，聖羅倫素該仗嘅「中框」次數其實與對手相若，表現其實不算太差。而且聖羅倫素喺自己地頭表現相當唔錯，近10場聯賽取得7勝3和佳績，今仗回師主場雖有中場尼斯圖奧迪高沙上仗領紅被逐今輪要停賽，但球隊近4次主場對羅沙里奧中央皆贏波，今仗贏面仍甚高。

羅沙里奧中央上輪輸波，但全場錄得20次射門，最終不敵「一擊即中」嘅高隆實屬欠運。可惜，羅軍作客成績認真麻麻，首階段只曾錄得2仗客場勝利，雖然球隊次階段已喺客場「開齋」，但擊敗嘅對手只係長期處於低迷嘅基爾梅斯，今仗面對主場表現出色嘅聖羅倫素相信難言勇。
沙蘭迪主場爆「基」

其他賽事方面，沙蘭迪兵工廠近期頻頻征戰，球員明顯出現疲態，但球隊主場出擊仍有一定威力，面對近4仗作客輸3場嘅基爾梅斯有望贏波。河床上仗雖重開勝門，但球隊作客始終非強項，面對主場戰績不錯嘅堤格雷相信難以取得勝利，捧讓球主勝。