好著數鎖定目標

不死鸟

今次谷草夜賽第五場上演2200米的皮亞士紀念盃，方嘉柏可謂嚴陣以待，更雙龍出海，分別以「鎖定目標」和「好著數」攻堅，而馬房友來料話兩駒將不分正副出擊，不過後駒卻可以稍看高一籌，大家值得留意。
「好著數」季初時一直受到漏閘的毛病影響，令牠陣上表現無段好睇，不過自從方嘉柏積極安排牠教閘後，這劣習已得到很大改善，而前仗此駒由柏寶執韁，出戰谷草2200米更可贏馬，之後上場牠轉戰田草1800米亦得殿軍，證明馬匹狀態重拾勇境之餘，其狀況更一直保持。此駒一向跑谷草2200米最耍家，今次馬匹又再出戰此程，適逢盃賽當前，方嘉柏不敢怠慢，找回為牠贏馬的柏寶壓陣，希望人馬合拍下可交出最好水準爭盃。
至於「鎖定目標」，今次雖然增程初跑谷草2200米，但以牠跑谷草1800米亦勝任有餘，加長400米作賽，對其難度不大。今仗此馬由魯柏軒減磅出擊，還記得早前此子為方?贏「幸運愉快」，今次又有合作，隨時有神來之筆絕不出奇。